పుష్ప, యానిమల్‌ చిత్రాలతో దేశవ్యాప్తంగా పాపులర్‌ అయిపోయిన హీరోయిన్‌ రష్మిక మందన్న. సినిమాలతోనే కాదు, సోషల్‌ మీడియాలో కూడా యాక్టివ్‌గా ఉంటూ ఫ్యాన్‌ ఫాలోయింగ్‌ను మరింత పెంచుకుంటూ వెళ్తోంది. తాజాగా మరోసారి రష్మిక ఒక ర్యాంప్‌ వాక్‌ ద్వారా వార్తల్లోకి ఎక్కింది. బాలీవుడ్‌ యంగ్‌ హీరో విక్కీకౌశల్‌తో కలిసి ర్యాంప్‌ వాక్‌ చేసి అందర్నీ ఆకర్షించింది. విక్కీ కౌశల్‌తో కలిసి ‘ఛావా’ అనే సినిమాలో నటిస్తోంది రష్మిక. ఈ సినిమాకి సంబంధించిన ప్రమోషన్స్‌లో భాగంగా ఢల్లీిలో జరిగిన ఇండియా కోచర్‌ వీక్‌ 2024లో ఈ జంట పాల్గొంది. 

బాలీవుడ్‌కి చెందిన ఎందరో సినీ ప్రముఖులు పాల్గొన్న ఇండియా కోచర్‌ వీక్‌ కార్యక్రమంలో రష్మిక మందన్న ప్రత్యేక ఆకర్షణగా నిలిచింది. నడుము అందం చూపిస్తూ, క్లీ వేజ్‌ షోతో రష్మిక చేసిన షోకి నెటిజన్స్‌ ఫిదా అవుతున్నారు. అద్భుతమైన ఔట్‌ఫిట్‌తో రష్మిక అందరినీ అట్రాక్ట్‌ చేసింది. మొత్తానికి వీరిద్దరూ కలిసి చేసిన ర్యాంప్‌ వాక్‌ వీడియో సోషల్‌ మీడియాలో వైరల్‌ అయిపోయింది. ఇండియాలో ఉన్న హీరోయిన్లలో రష్మిక ఇప్పుడు బిజీ ఆర్టిస్టు అని చెప్పొచ్చు. ప్రస్తుతం ఆమె చేతిలో అరడజను సినిమాలు ఉన్నాయి. పుష్పతో అందర్నీ ఆకట్టుకున్న రష్మిక నటించిన పుష్ప2 త్వరలో విడుదల కాబోతోంది. ఇప్పుడు అందరి చూపూ ఈ సినిమా పైనే ఉంది. ఇదికాక మరో రెండు లేడీ ఓరియంటెడ్‌ మూవీస్‌ కూడా చేస్తోంది. గత ఏడాది విడుదలైన యానిమల్‌తో బాలీవుడ్‌లో మంచి క్రేజ్‌ సంపాదించుకుంది రష్మిక. దీంతో ఆమెకు అక్కడ కూడా డిమాండ్‌ పెరిగింది. ఒకటి, రెండు సినిమాలు బాలీవుడ్‌లో కూడా హిట్‌ అయితే రష్మిక నార్త్‌కే పరిమితమయ్యే అవకాశాలున్నాయని అందరూ భావిస్తున్నారు.